星期一, 1月 07, 2008

不是二八年華

我的腰圍有幾多呢?

今天未有心情去度...

蘋果日報 2008年1月7日

醫 學 Online籲 關 注 中 央 肥 胖

港 人 普 遍 不 懂 度 腰 圍 , 更 誤 將 褲 圍 當 腰 圍 。 香 港 復 康 會 訪 問 245 名 長 期 病 患 者 及 健 康 市 民 的 調 查 發 現 , 六 成 人 因 度 錯 腰 圍 而 誤 以 為 自 己 無 中 央 肥 胖 危 機 。 養 和 醫 院 糖 尿 病 中 心 主 管 盧 國 榮 醫 生 指 , 正 確 腰 圍 位 置 應 在 肚 臍 附 近 , 因 該 位 置 是 有 害 的 腹 腔 脂 肪 主 要 儲 存 處 , 男 士 的 腰 圍 在 90 厘 米 ( 35.4 吋 ) 及 女 士 在 80 厘 米 ( 31.5 吋 ) 或 以 上 便 屬 中 央 肥 胖 , 復 康 會 提 倡 「 關 注 90 ‧ 80 行 動 」 , 呼 籲 市 民 關 注 中 央 肥 胖


我知道, 我好大機會已屬高危族群.

上個月, 試過兩次在街上聽到有女孩子用陶醉的聲音, 捧著薯條讚嘆著說: ""mmmm...好好味呀!" , 我探頭一望, 看見她們和我中學時一樣瘦瘦的, 一把把將薯條塞進咀裡, 令我上星期忍不住特地到麥當勞買了一包細薯條食, 食完第朝, 我就病了 ... (雖然關係應該唔係好大, 但我直覺都有少少關事)

我知道, 如果好似幾個月前, 忙到成個星期日日lunch只係得十分鐘食一個麵包, 夜晚有時連飯都無食, D野得我一個人做, 訓覺訓得三四粒鐘, 都可以速瘦的....但就唔好..搞我了..

28吋腰, 我估我應該差唔多...

李清照詞:

醉花陰(重陽)

薄霧濃雲愁永晝,瑞腦消金獸。佳節又重陽,玉枕紗櫥,半夜涼初透。東籬把酒黃昏後,有暗香盈袖。莫道不消魂,簾捲西風,人比黃花瘦


http://content.edu.tw/junior/chinese/ks_wg/chinese/content/poem/p01.htm
到網上的李清照詞全集, 找尋一下有"瘦"字 的詞句 , 原來 42首中, 佔咗8首有個瘦字.都幾多.

古時婦女, 為思念的人遠己而去, 獨守空幃 , 瘦得淒清.

但今世的女人, 獨自一人, 越來越"PEAR" , 賤肉橫生...

分別, 可能在於, 前者念念在茲記掛掂念著一個人, 後者卻連一個記掛的人都沒有.

前者應該比較幸福....她找到的不只是歸宿, 而是愛情.

有愛情飲水都飽了, 就不用靠薯條滿足食慾了...

4 則留言:

匿名 說...

但係會唔會古時女人惦記男人因為害怕冇咗個米飯班主呢?須知道三從四德,李清照可算是個特例。

始終覺得現代女人比較好。沒有惦記的人,但可以有自己喜歡和想做的事。男人,我向來都主張唔好太上心。

對不起,煞雅興啦!

蘇菲 說...

如果用李清照做例子, 佢都出自名門, 夫家趙明誠都係有錢的, 佢唔係為咗生活先到想起老公. 宋朝時的女人, 佢地可能係重視家庭, 又或者生活圈子太細, 朋友多極有限, 老公就算唔係好好, 但都係最親密的人, 日掛夜掛會好正常 , 未必同道德禮教扯上關係.

當然係做現代女人好, 但物質的富裕始終不能帶來愛情. 現代男女, 好多嘅問題唔係性無能, 係愛無能.

不懂愛人亦不懂得被愛, 更悲哀的, 是懂得自愛的都唔多.

匿名 說...

"不懂愛人亦不懂得被愛, 更悲哀的, 是懂得自愛的都唔多."
講得太好了,道出了世蘊,亦道出了事實.....可悲可悲...

心煩的過路人有感而發,打擾了

蘇菲 說...

謝謝你的讚賞..不打擾...

^^